حبيب الروح

وهنطقها ومش خايفه
وهعلنها بكل وضوح
مليش غيرك ،
حبيب الروح ❤
معاك دايما
منين ما تروح
ياعقلي وروحي وفؤادي
وسكني وبيتي وبلادي
بحبك حب مش عادي ،
وكلي طموح
يا ثمرة وطعمة ف اكلتها
وشجرة بنام ف ضلتها
ووردة بشم في ريحتها
وعطر يفوح
حبيب الروح
عشقتك عشق من وعدك
مليش ف الدنيا دي بعدك
فمتسبنيش عشان بعدك
دا غير مسموح !
حبيب الروح
هعيش العمر وأنا جنبك
وهمشي طريقي علي دربك
وقلبي دا حتة من قلبك ،
وليك مفتوح