مش عارفه الحياه ازاي تتعاش ( قصيدة نثرية ) للكاتبة المصرية الشابة : شهد رضا

0

رِسالتي الأولىٰ عَلَشانك ..
بَقول فيها ” وحشتني ”
رِسالتي التانيه علىٰ بالِك
و صَعب إن إنت ” تِنساني ”
رِسالتي التالته ” تِحييني ”
حروف إسمِك ف وقت الخوف
و لون مخطوف ..
رسالتي الرابعه .. ف جبينِك
رسالتي الخامسه ف خدودِك
واشيل إيدِك واشوف عينِك
وآعدي بـ حُضني لـ حدودِك
مَفيش أصلاً ما بيننَّا حدود
عشان ألزَم ف يوم بيها ..
يارب الكون تخّليه..
و خلي النظره ف عنيه ماتتغيّرش
أنا وياها روح طفله ومابتكبّرش ،
فا لو غاب ف يوم عني
ده لو يعني و بعد الشر ..
حالي أكيد هايتدهوّر
وقلبي كمان هايتعوّر
ويتبهدِل ..
ويتبدِل لـ حَد رخيص
شيطان قالِع مَلاك روحي
بيتمَكِن ف توب إبليس
أنا عاشِقه عينيه عشان
بَشوف فيه حنان الأُب
أنا ماسِك إيديه عشان
فِ عِز الضَعف هو يضُم
حُضني ف إحتياج ليه
يارب الكون ماتبعدهوش
عشان حياتي ف إيديه
يارب الكون .. تخّليه !
لان اصلا من بعدهه
مش عارفه الحياه ازاي تتعاش

اترك رد

لن يتم نشر عنوان بريدك الإلكتروني.

%d مدونون معجبون بهذه: