دموعك تسبق حكاويك ( قصيدة نثرية )

الكاتبة الصاعدة : شهد رضا

1

جربت اما تحاول تحكي
فدموعك تسبق حكاويك
جربت تنام وأنت بتبكي··
لما يكون الحزن ماليك
جربت تحس بطعم الذل
لما الدنيا بتيجي عليك
طب عارف النغزة ال في قلبك
اللي يوماتي بتوجع فيك
واللون الأسود والداكن··
ال معلم تحت عينيك
جربت تشيل هم الدنيا
وبتعمل نفسك مبسوط
ويتضحك علطول قدامهم··
مع انك واحد بيموت
جربت تكون عايش مشهد
غير دورك خالص بالمرة !
احزانك أكبر من سنك··
بتعجز من جوة ومن برة
جربت تحب ف يوم حد
أستاذ وبرنس في تعزيبك
جربت في مرة انك تعشق
والحد ال عشقتة يسيبك !
جربت تدوق طعم الغربة
مع انك عايش مع اهلك
جربت ف مرة تكون تايه··
لما ال قصادك يندهلك !!
جربت انك توفي لصاحبك
كان عشمك فيه انة يصونك
اتاريه بيسرب اسرارك
ويهد في ضهرك ويخونك !
جربت تعيش وسط ديابة
الدم اتلطخ بايديها
وتحس انك جوة في غابة··
الناس بتعض في بعضيها

تعليق 1
  1. Fatma magdy يقول

    جميلة اوووى

اترك رد

لن يتم نشر عنوان بريدك الإلكتروني.